အုန်းပင်စိုက်ပျိုးနည်း

အုန်းပင်စိုက်ပျိုးနည်း
မြန်မာအမည် -အုန်း
အင်္ဂလိပ်အမည် -Coconut
ရုက္ခဗေဒအမည် -Cocos nucifera
မျိုးရင်းအမည် -Palmaceae/Arecaceae
မူရင်းဒေသ
အပူပိုင်းဒေသ
အုန်းမျိုးများ
သက်တမ်းကိုလိုက်၍သုံးမျိုးခွဲခြားထားသည်။
(က)အမြင့်မျိုး(အုန်းထရံ)
(ခ)အပုမျိုး(ဝက်မလွတ်)
(ဂ)လိမ္မော်ရောင်မျိုး(တော်ဝင်အုန်း၊အုန်းပနီ)
စိုက်ပျိုးသည့်ဒေသ
တောင်ပေါ်မြေပြန့်မကျန်
အောက်ရေပြင်နှင့်နီးသောနေရာတွင်ပေါက်ရောက်နိုင်ပြီး
မြန်မာပြည်တွင်မြစ်ဝကျွန်းပေါ်နှင့်ကမ်းရိုးတန်းတလျှောက်တွင်
အမြောက်အမြားစိုက်ပျိုးဖြစ်ထွန်းပါသည်။
#ရေမြေရာသီဥတု
အသင့်တော်ဆုံးမြေသည်
မြေဆီပေါများလျှက်ရေအလွယ်တကူစိမ့်ဝင်နိုင်ပြီး
ရေငွေ့ထိန်းအားရှိသောနုန်းတင်မြေ၊သဲနုန်းမြေမျိုး
ဖြစ်ပါသည်။
သို့ရာတွင်
အုန်းပင်သည်ရေအလွန်ကြိုက်သောအပင်ဖြစ်၍
နွေရာသီ၌အောက်ခံရေနီးလျှင်(သို့မဟုတ်)
ရေအလွယ်တကူပေးသွင်းနိုင်သောနေရာဖြစ်လျှင်
အလွန်စေးသောမြေနှင့်ကျောက်စရစ်ဆန်သောမြေမျိုးမှလွဲ၍
ကျန်မြေများတွင်ကောင်းစွာစိုက်ပျိုးဖြစ်ထွန်းနိုင်သည်။
အပင်ခြေရေဝပ်ခြင်းကိုလုံးဝမနှစ်သက်ပါ။
အနည်းဆုံးအပူချိန် ၂၇° စင်တီဂရိတ်ရှိပြီး
မိုးရေချိန်၃၀-၇၀လက်မရွာသွန်းလျှင်စိုက်ပျိုးနိုင်ပါသည်။
#အုန်းမျိုးရွေးချယ်နည်း
အုန်းပင်သည်နှစ်ရှည်ပင်ဖြစ်သောကြောင့်
အစကောင်း၍အနှောင်းသေချာစေရန်
မျိုးရွေးချယ်ပျိုးထောင်ခြင်းသည်အဓိကဖြစ်ပါသည်။
အုန်းမျိုးရွေးချယ်ရာတွင်အဆင့်လေးဆင့်ရှိပါသည်။
၁။အုပ်စုလိုက်ရွေးချယ်ခြင်း
၂။အမိမျိုးပင်ရွေးချယ်ခြင်း
၃။မျိုးအုန်းသီးရွေးချယ်ခြင်း
၎။အုန်းပျိုးပင်ရွေးချယ်ခြင်း
#မြေပြင်ခြင်း
အုန်းပင်မစိုက်မီ
ဇန်နဝါရီလ၊ဖေဖော်ဝါရီလများတွင်တောခုတ်၍
မတ်လတွင်မီးရှို့ကျွန်းခွေရပါသည်။
ဧပြီလတွင်ခြံကာ၍အကွက်ချခြင်း၊
ကျင်းတူးခြင်းကို ၃၀×၃၀ပေအကွာအဝေးထား၍
မစိုက်မီတစ်လကြိုတင်၍
သုံးပေပတ်လည်ကျင်းကိုတူးထားရပါမည်။
မေလတွင်ကျင်းအတွင်းသို့အပေါ်ယံမြေလွှာ၊နွားချေးဆွေး၊
သစ်ရွက်ဆွေးနှင့်ခြံမီးရှို့၍ရသောပြာများကိုပြန်ဖို့ပေးရပါမည်။
#ပျိုးထောင်ခြင်း
အုန်းသီးကို
သဲတစ်ဝက်ခန့်ရောထားသောပျိုးဘောင်ပေါ်တွင်
အလျားလိုက်လှဲ၍
အညှာဘက်ကိုထောင်ပြီးမြှုပ်၍ပျိုးထောင်ရပါသည်။
သဲလွှာတွင်စနစ်တကျမြှုပ်၍ပျိုးထောင်ခြင်းသည်
အကောင်းဆုံးဖြစ်ပါသည်။
သဲလွှာကိုခြောက်လက်မထူအောင်ခင်း၍
မျိုးအုန်းပင်ကို
ပင်ကြား×တန်ကြား ၉×၁၈လက်မစီတန်းချပြီး
သဲကိုလေးလက်မထပ်ထည့်ပေးရမည်။
ပျိုးပင်ကိုအစိုဓာတ်မပြတ်စေရန်ရေမှန်မှန်လောင်းပေးခြင်း၊
လိုအပ်လျှင်အရိပ်ပေးခြင်း၊အစိုဓာတ်ဆုံးရှုံးမှုနည်းပါးစေရန်
အတန်းကြားတွင်ကောက်ရိုးဖုံးပေးရန်လိုအပ်ပါသည်။
#စိုက်ပျိုးခြင်း
ပျိုးသက်တစ်နှစ်သားရှိလျှင်ပြောင်းရွက်စိုက်ပျိုးရန်
အကောင်းဆုံးဖြစ်သည်။
ဇွန်၊ဇူလိုင်လတို့တွင်ပြောင်းရွေ့စိုက်ပျိုးရပါမည်။
စိုက်ချိန်တွင်
ပျိုးပင်သည်အရင်းတုတ်၍သန်စွမ်းလျက်အရွက်ဖားပြီး
ပျိုးပင်၏အလက်ရင်းများ၌အရွက်ကွဲစပြုနေသော
အခြေအနေမျိုးရှိရပါမည်။
စိုက်သောအခါကျင်းအလယ်တည့်တည့်၌ပျိုးပင်ကို
ဖြောင့်မတ်စွာထား၍တွဲလျှက်ရှိသောပျိုးအုန်းသီး၏
အပေါ်လွှာကိုသုံးပုံတစ်ပုံခန့်ဖော်၍စိုက်ရပါသည်။
မစိုက်မီအမြစ်များကိုဓားပြတ်ပြတ်ဖြင့်ခေါင်းတုံးရိတ်ပေး
ရပါသည်။အပင်ရှည်ပါကငုတ်စိုက်၍ချည်ထားရပါမည်။

#မြေသြဇာကျွေးခြင်း
မိုးဦးကျစဇွန်လတွင်မြေသြဇာအပြီးကျွေးရပါမည်။
မီးဖိုပြာ၊နှမ်းဖတ်ပုပ်ရည်၊နွားချေးဆွေးစသည်တို့
ထည့်ပေးနိုင်သည်။
NPK(၅:၅:၉)ရောစပ်ပြီးမြေသြဇာကို
အပင်သက်တမ်း ၁-၂ နှစ်သားတွင် ၁ ပေါင်နှုန်းထည့်ပါ။
အပင်ငယ်စဉ်အပင်ရင်းမှသုံးပေခွာ၍မြေကျင်းငယ်တူး၍
ထည့်ပေးပါ။
အပင်သက်တမ်း၃နှစ်သားတွင် ၂ ပေါင်
အပင်သက်တမ်း၎နှစ်သားတွင် ၃ ပေါင်
အပင်သက်တမ်း၅နှစ်သားတွင် ၄ပေါင်
အပင်သက်တမ်း၆နှစ်အထက် ၅ပေါင်နှုန်းထည့်ပေးပါ။
အပင်ကြီးလျှင်အပင်ကြားထယ်ကြောင်းရာပေး၍ထည့်ရမည်။
တစ်ဧကပင်ရေ
၃၀×၃၀ပေစိုက်လျှင်တစ်ဧကဝင်ဆံ့ပင်ရေ ၄၈ ပင် ။
ရေသွင်းခြင်း
မြောင်းသွယ်၍ပင်ခြေရင်းဝိုင်းပေးသောရေလောင်းနည်းသည်
အကောင်းဆုံးဖြစ်ပါသည်။
အုန်း၏အဓိကလိုအပ်ချက်မှာနွေရာသီရေလုံလောက်အောင်
ပေးနိုင်ရေးဖြစ်ပါသည်။
အပင်ပြုစုနည်း
မိုးရာသီ၌အပင်တန်းကြား နှစ်ကြိမ်ခန့်ထယ်ထိုးခြင်း၊
အုန်းပင်ရင်းတွင်အဝိုင်းလိုက်ပေါင်းရှင်းခြင်းနှင့်
မြေတောင်မြှောက်ပေးခြင်း၊မြေနိမ့်သောခြံများရေမဝပ်စေရန်
ရေနုတ်မြောင်းများပြုလုပ်ထားရန်လိုပါသည်။
ပိုးမွှားရောဂါများ
၁။အပင်ငယ်စဉ်ခြ၊ပုရွက်ဆိတ်၊ကြွက်များကျရောက်တတ်သည်။
၂။အပင်ကြီးလာလျှင်ရွက်စားပိုး၊ခြယံ၊ပိုးကြံ့ကောင်များ
ကျရောက်တတ်သည်။
ရောဂါများ
အမြစ်ပုပ်ရောဂါ၊အညွန့်ညှိုးရောဂါများကျရောက်သည်။
အထွက်နှုန်း
အမြင့်မျိုးသည်အပင်သက်တမ်း၇-၁၀နှစ်တွင်လည်းကောင်း၊
အပုမျိုးသည်၃-၅နှစ်တွင်လည်းကောင်း၊
လိမ္မော်ရောင်မျိုးသည်၅-၇ နှစ်တွင်လည်းကောင်း
စတင်သီးပါသည်။
စတင်သီးသောနှစ်တွင်တစ်ပင်လျှင်ငါးလုံး၊
အသီးမှန်သွားသောနှစ်တွင်တစ်နှစ်လျှင်တစ်ပင်အလုံး၅၀နှုန်း
သီးပါသည်။
တစ်ဧကလျှင်ပျမ်းမျှအလုံး ၂၅၀၀ ထွက်ရှိပါသည်။